الفرق بين Order Flow و Supply & Demand
فيه 3 مفاهيم ناس كتير جدًا بتلخبط بينهم:
Order Flow
Supply & Demand
Order Block
والمشكلة إن اللخبطة دي مش بتبوظ نقطة الدخول بس...
دي ممكن تبوظ التحليل كله من الأساس.
عشان كده خلينا نمشيها واحدة واحدة وبهدوء، ونفهم كل مفهوم بيقول إيه، وإزاي تقدر تفرق بينهم بسهولة.
بشكل مبسط ...
ال Order Flow هو الحركة نفسها.
يعني لو السوق طلع فترة وبعدها بدأ يهبط بقوة، فكل الحركة الصاعدة اللي حصلت قبل الهبوط هي اللي بنسميها Order Flow.
بمعنى تاني...
من أول قاع بدأت منه الحركة، لحد آخر قمة قبل الانعكاس، أنت كده بتتكلم عن ال Order Flow.
هو مش منطقة دخول... ومش منطقة بيع أو شراء
هو مجرد بيوضح لك اتجاه الحركة اللي حصلت، وبيساعدك تفهم السوق كان ماشي إزاي قبل ما يحصل الانعكاس.
وتقدر بشكل مفصل تفهمه اكتر من المقال ده
هنا ناس كتير بتتلخبط لو بنتكلم عن Supply
فهي ببساطة:
آخر شمعة صاعدة قبل الهبوط القوي.
مش مهم الشمعة كانت قوية ولا ضعيفة.
مش مهم حجمها كبير ولا صغير.
طالما هي آخر شمعة صاعدة قبل الحركة الهابطة... فهي تعتبر منطقة عرض.
ونفس الفكرة في ال Demand.
هي آخر شمعة هابطة قبل بداية الصعود.
يعني فكرة ال Supply & Demand مرتبطة بآخر شمعة سبقت الحركة العكسية
وده بقى الفرق اللي بيوقع ناس كتير.
الـ Order Block مش بيتحدد أته آخر شمعة صاعدة أو هابطة. الكلام ده خاطيء وناس كتير بتعمل ده للأسف
الشرط الحقيقي هو:
إن يحصل بعدها Fair Value Gap (FVG) حقيقي
يعني وجود ال FVG هو اللي بيدي الشمعة أهميتها.
وده معناه إن ال Order Block ممكن يكون:
شمعة صاعدة
شمعة هابطة
شمعة Doji
حتى شمعة سحبت سيولة
المهم... بعدها يحصل Fair Value Gap حقيقي
دي من أكتر الأخطاء المنتشرة.
مش أي فراغ تشوفه على الشارت يبقى FVG.
وكمان... الذيل (Wick) أو الديل مش بيتحسب Fair Value Gap.
لأن لو اعتمدت على Gap غلط، هتبدأ تحدد Order Blocks غلط، وبالتالي التحليل كله هيبقى مبني على أساس غير صحيح.
راجع مقال " ما هي مناطق ال FVG في التداول؟ "
خلينا نبسطها في كام سيناريو.
1- السيناريو الأول
آخر شمعة صاعدة...
وبعدها مباشرة حصل Fair Value Gap.
ساعتها الشمعة دي تعتبر:
Supply وفي نفس الوقت Order Block.
2- السيناريو الثاني
آخر شمعة صاعدة... لكن ما حصلش بعدها FVG.
في الحالة دي بنتجاهلها.
ونشوف أول شمعة بعدها حصل بعدها Fair Value Gap.
هي دي اللي تعتبر Order Block.
3 - السيناريو الثالث
ممكن الشمعة تكون:
هابطة - Doji - شمعة سحب سيولة
طالما بعدها حصل Fair Value Gap صحيح...
فهي تعتبر Order Block
لو شمعة عملت High جديد، وسحبت سيولة، وبعدها مباشرة حصل Fair Value Gap
فهي تعتبر Order Block.
حتى لو كانت الشمعة نفسها هابطة.
وده من الحاجات اللي ناس كتير بتستغربها في البداية، لكنها منطقية جدًا لما تفهم إن الأساس هنا هو وجود الـ FVG، مش لون الشمعة.
مش كل Order Block يفضل صالح طول الوقت.
فيه حالات بيتم إلغاؤه.
أهمها:
لو الشمعة اللي بعده غطت ال Fair Value Gap بالكامل، أو سحبت سيولته، ساعتها الـ Order Block يعتبر فقد صلاحيته.
وفي الحالة دي...
بنبدأ ندور على Order Block جديد ينطبق عليه الشروط.
لأن كل مفهوم ليه وظيفة مختلفة
لو اعتبرت ال Order Flow منطقة دخول
هتغلط
ولو رسمت أي آخر شمعة على إنها Order Block
هتغلط
ولو خلطت بين Supply وOrder Block
هتبدأ تاخد قرارات مبنية على مفهومين مختلفين تمامًا
كل واحد منهم بيجاوب على سؤال مختلف:
Order Flow بيقولك السوق كان ماشي فين؟
Supply & Demand بتقولك آخر منطقة قبل الانعكاس.
Order Block بيوضح لك الشمعة اللي بدأ بعدها عدم التوازن السعري الحقيقي (FVG).
ولما كل مفهوم يبقى واضح في دماغك، هتلاقي تحليلك بقى أنضف، ورسوماتك على الشارت بقت أدق، وقراراتك بقت مبنية على فهم مش على حفظ.
احفظ القاعدة دي لأنها هتوفر عليك لخبطة كبيرة:
✅ Order Flow = الحركة نفسها.
✅ Supply / Demand = آخر شمعة قبل الحركة العكسية.
✅ Order Block = الشمعة اللي حصل بعدها Fair Value Gap صحيح.
لو التلاتة دول واضحين عندك هتبدأ تبص للسوق بطريقة مختلفة.
ولو كانوا ملخبطين...
فغالبًا تحليلك كله هيبقى ملخبط من البداية، حتى لو كانت نقطة دخولك شكلها صح
لو لسه بتتلخبط بين المفاهيم دي، راجع دروس بنية السوق والسيولة والعرض والطلب بالترتيب في المستوى الأول، وطبّق كل مفهوم على الشارت قبل ما تنتقل للي بعده.