السعر العادل في البتكوين: الطريقة الذكية لمعرفة هل الوقت مناسب للشراء أم لا؟

بكل بساطة و سهوله

هسألك سؤال..

انت لما بتكون عايز تشتري حاجة.. بتشوف الأول هي غاليه ولا رخيصه.. لو غاليه مش هتشتريها.. لو رخيصه هتشتريها أكيد ✔️

ركز في الصوره ديه

الموضوع بسيط جدا و سهل..

إنت هتجيب أداة الفيبوناتشي و ترسم بين القمه و القاع فهيظهرلك مستوى ال 50٪

ولو مش واضح عندك تختار أنهي قمة وقاع للرسم، راجع شرح تحديد نطاق التداول وإمتى تغيّر حدوده؛ لأن مستوى الـ50% بيتغير حسب النطاق اللي بتقيسه.

مستوي ال 50٪ دا هو السعر العادل..

اللي هو المفروض كدا سعر مش غالي.. و في نفس الوقت يعتبر سعر كويس للشراء..

أداة الفيبوناتشي مستوى ال 50٪

يعني لو السعر وصل للمستوى دا إنت هتقول إن آه سعر البتكوين كدا يعتبر سعر كويس للشراء.. يلا هشتري بتكوين..

و لو السعر نزل عن مستزى ال 50٪ دا معناه إن السعر أرخص.. ف هنا تقدر تشتري و تزود شراءك

طيب إحنا هنا عشان نستخدم أداة الفيبوناتشي.. هنرسم منين لفين

.. هنرسم من القمه للقاع

يعني وقتها كانت

القمه بتاعتنا 73,777

و القاع بتاعنا 24,394

فهنرسم بالفيبوناتشي من القمه للقاع أو من القاع للقمه

فهيظهرلنا السعر العادل قدامنا

يبقى لما السعر يوصل عند النقطة دي هيكون سعر البتكوين مناسب للشراء

هل دا كافي للشراء ؟

تعال نقول لا...

هنرسم منطقة طلب زي ماهي واضحه قدامنا في الصورة..

منطقة الطلب هي منطقة الهبوط إللي حصلت قبل الانفجار السعري...

فلما رسمنا منطقة الطلب زي إللي في الصورة لقينا إن منطقة الطلب في نفس مكان السعر العادل 🤭

جميييييل... دا معناه إن منطقة الطلب قوية.. و معناها فعلا في اوردرات شراء هتتنفذ عند السعر العادل دا..

طيب تعالي نضيف حاجة كمان...

2️⃣- شوف كدا الفوليوم.. هتلاقي بار فوليوم عالي ⚡️

ملخص تكوين الـ Setup

• 1️⃣- السعر يوصل لمستوى السعر العادل

• 2️⃣- وجود منطقة طلب في نفس منطقة السعر العادل

• 3️⃣- فوليوم عالي عند ملامسة السعر لمنطقة الطلب و السعر العادل